شوربه السى فوود

المقادير

ـ ربع كيلو جمبري.
ـ حبة سبيط (حبار) متوسطة الحجم ومقطعة مكعبات صغيرة.
ـ ربع كيلو لحم سمك من دون شوك مقطع مكعبات.
ـ لحم كابوريا مقطع.
ـ عدد من قواقع الجندوفلي (محار).
ـ 2 ملعقة كبيرة دقيق.
ـ 1 ملعقة زيت.
ـ نصف كوب حليب.
ـ 1 بصلة صغيرة.

طريقة التحضير:

1 ـ يغلى الماء وتوضع به السبيط (الحبار)، والبصلة لمدة 5 دقائق.
2 ـ يوضع الجمبري والكابوريا والجندوفلي (المحار)، ويقلب لمدة 5 دقائق أخرى.
3 ـ يوضع السمك مع الخليط السابق حتى نضجه.
4 ـ يصفى المزيج مع الاحتفاظ بالمرق.
5 ـ توضع ملعقة الزيت والدقيق في وعاء ويقلب حتى يصفر لونه قليلا.
6 ـ نأخذ 2 كوب شوربة ونضعهما بسرعة على الدقيق مع التقليب المستمر، ثم نضيف الحليب.
7 ـ نضع المكونات البحرية المسلوقة في الحساء ونقلبها جيداً، ثم نضيف الملح حسب الرغبة.
8 ـ نترك الشوربة على نار هادئة حتى يثقل قوامها نوعا ما وتقدم ساخنة.



......

تسلم ايدك يا ريس هو دة الشغل ولا بلاش
بس الكلام النظرى دة مينفعش احنا عايزين الموضوع يكون مدعم بالصور
ولا اقولك اعزمنى السى فوود وانا هصورك كل شئ

تنور يا غالى و الله
خلاص اعتبر ده وعد بقبول عزمه على السى فود عندى

بس ما تنساش تجيب السى فود معاك

تسلم ايدك يا حاج سيد ... انا عملتها وراك خطوه بخطوه .... بس كان فيه شوية تغيرات ...
كان عندي شوية سبيط في التلاجه (انت عارف اني عزابنجي ) و حلقتين دراك وشوية روبيان
معلش بقي مكانش عندي كابوريا وقتها واستبدلت الدقيق بالشوفان علشان الواحد يعرف ينزل الشغل و مايتلكمش وجيت في الاخر كان عندي علبة خضار مشكل جاهزه حطيتها مع الشوربه ومش ناقص غير اني اقول ............................................................................................................................................................................. اتفضلوا معانا

جوعتونى قوى صباح الفل

بجد انا كنت صاحي الصبح وواخد اجازه من الصبح والدنيا جميلة ... بعدين لاقيت الكلام ده في التلاجه قلت لازم استغل الوقت بتاع الصبح الجميل ده في حاجة...
مشيت ورا طريقة الحاج سيد ... وعينك ماتشوف الا النور الريحة قعدت لغاية الساعة 1 الضهر
والمفروض اني كنت بعمل الغدا... برضه علي الساعة 10 اطافست علي طبق وجه الشباب كملوا عليها لان الريحة كانت مجننه البيت
بجد تسلم ايدك يا حج سيد

يا سلام عليك يا عم السيد

لو ان شاء الله عازم ابو كريم

ابقى اعزمنى معاة اتفرج بس واصور

eslam nasr كتب:

تسلم ايدك يا حاج سيد ... انا عملتها وراك خطوه بخطوه .... بس كان فيه شوية تغيرات ...
كان عندي شوية سبيط في التلاجه (انت عارف اني عزابنجي ) [ندعوك للتسجيل في المنتدى أو التعريف بنفسك لمعاينة هذه الصورة] و حلقتين دراك وشوية روبيان
معلش بقي مكانش عندي كابوريا وقتها واستبدلت الدقيق بالشوفان علشان الواحد يعرف ينزل الشغل و مايتلكمش وجيت في الاخر كان عندي علبة خضار مشكل جاهزه حطيتها مع الشوربه ومش ناقص غير اني اقول ............................................................................................................................................................................. اتفضلوا معانا [ندعوك للتسجيل في المنتدى أو التعريف بنفسك لمعاينة هذه الصورة]

بالف هنا و شفا يا عصام بك

منور الدنيا و الله

محلاها عيش العذاب

يا كابتن محمد قشر بس و تلاقى الشوربه جايه لغايه البيت


عصام باشا طب يا راجل مش تطلبنى اجى ادوق الشوربه و اقولك رائيى

الف هنا و شفا

يا باشمهندس محمد منور الدنيا و الله بضحكتك الجميله

من عنيا يا هانى

وعد منى لو عزمت ابو كريم يبقى هاعزمك ان شاء الله فى يوم من الايام

يا راجل انتو شباب لسه المفروض انا اللى اتعزم على الحاجات دى



اوبه و انا كمان عمال اقول ايه النور ده و الجماله ده

سياده اللواء ماجد بك شتا شخصيا

و الله حاجه ولا فى الخيال

ماجد باشا الاضافات اللى انت بتقول عليها دى جامده اوى عليا

انا عجزت خلاص

المعده مش هاتستحمل الكلام ده

خلينا فى السبيط و الجمبرى كفايه