أهلا بك فى منتدى الفريسة والصياد
عزيزي الزائر/عزيزتي الزائرة يرجي التكرم بتعريف نفسك الينا بالدخول الي المنتدي اذا كنت عضو او التسجيل ان لم تكن عضو وترغب في الأنضمام الي أسرة المنتدي
التسجيل سهل جدا وسريع وفي خطوة واحدة
وتذكر دائما أن باب الأشراف مفتوح لكل من يريد
يسعدنا أنضمامك معنا
فى عالم الفريسة والصياد
شكرا
ادارة المنتدي


 
الرئيسيةالبوابةمكتبة الصورالتسجيلدخول


شاطر | 
 

 صيد السيجان على الطريقة البورسعيدية (منقول)

اذهب الى الأسفل 
كاتب الموضوعرسالة
ابو كريم
صاحب أفضل طرح نقاشى
صاحب أفضل طرح نقاشى
avatar

الدلو  المساهمات المساهمات : 475
تاريخ التسجيل : 29/03/2008
العمر العمر : 41

مُساهمةموضوع: صيد السيجان على الطريقة البورسعيدية (منقول)   الجمعة 14 مايو 2010, 9:51 pm

[ندعوك للتسجيل في المنتدى أو التعريف بنفسك لمعاينة هذه الصورة]

وهي من اسماك البحر الاحمر والخليج
وعبرت للبحر المتوسط من قناة السويس

وتسمى هذه السمكه فى الأسكندريه بـ(بطاطا ) [ندعوك للتسجيل في المنتدى أو التعريف بنفسك لمعاينة هذه الصورة]

تتواجد سمكة السيجان طوال السنه
موسم التفريخ بيكون في بداية ابريل
وهي سمكة نهارية يعني مش موجوده بالليل

الطعم المفضل

اولا العجين

سواء عجينة عيش او دقيق
المهم انها تكون عجينة ناشفة

ثانيا الجمبري (البرغوت) أو ما يسمى (ابو سبعه)


طريقة الصيد
صيد السيجان بيكون بالبوصة اليد مش الماكينة
مع العلم ان فيه ناس اصطادتها بالماكينة بس صدفة

فيه كذا طريقة لصيد السيجان بالبوصة

اولا

بالفلة او الغماز او العوامة
الشعر او الخيط الاساسي يكون نمرة 25
والفروع نمرة 20 او 18
بس نمرة 18 مش بيستخدمة الا الخبير لانة ضعيف
ومعروف عن السيجان انها سمكة قوية وخصوصا الاحجام الكبيرة

السنارة نوعين

اما السنارة العادية وتكون نمرة 20 او 22 او 24
ونمرة 24 تسمى رجل الدبانة وتخيلوا حجمها
او (الهلب) وهي سلاح من 3 سنانير ملحومين في بعض
المهم
الفروع تكون قصيرة يعني بالكتير 20 سم
الفلة صغيرة والرصاص او التقل خفيف
العيار (ارتفاع الفلة عن الرصاص ) يكون حوالي ثلثين ارتفاع المية عن الارض
مع الوقت وخبرتك في المكان حتعرف المية عمقها قد ايه
حط العجينة وارمي
اول ما الفلة تغمز نص غمزة الطشها وادعيلي

ثانيا

الصيد من غير فلة (حساس)
وهو نوعين

طريقة اسمها الربع او المشنقة

وهي طريقة مش كل الناس بتقبل عليها لانها متعبة شوية
الشعر زي ما اتفقنا 25
طول الشعر حوالي ثلثين عمق المية
يعني لو بترمي على قرار 3 متر يكون طول الشعر 2 متر
ويفضل استخدام بوصة قصيرة نوعا يعني 4 او 5 متر
السلاح مكون من 6 او 7 سنانير
كلهم نفس الطول اللي هو حوالي 5 سم تحت الرصاصة
ما عدا 2 منهم بيكون طولهم 10 سم
حجم السنانير يكون كبير مثلا نمرة 16 او 14
الرصاص شريط وثقيل يعني لف ثلاث او اربع لفات كده
حط العجينة على الرصاصة ونزلها المية حتلاقي الوحوش بتشدك
الطريقة دي بنستخدمها للبوري برضة

الطريقة الثانية في الحساس هي السبحة

وسموها السبحة لان عدد السنانير بيكون كتير وفوق بعض زي شكل السبحة
ودي بيكون فيها طول الشعر زي طول البوصة
نحط رصاصة بلحة نمرة 1 في اخر الشعر من تحت
وفوق الرصاصة نربط من 7 ل 12 سنارة
الفروع طولها حوالي 10 سم
حط عجينة او جمبري ونزلها المية
حتلاقي وحوش تانية بتشدك برضه [ندعوك للتسجيل في المنتدى أو التعريف بنفسك لمعاينة هذه الصورة]

نصيحه هاااااامه،،

خللى بالكم من الشوكه إللى فى ضهر السيجان

بتسبب آلام مبرحه ،،قد تستمر إلى نصف الساعه [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
remon shawky
عضو ذهبى
عضو ذهبى
avatar

العذراء  المساهمات المساهمات : 27
تاريخ التسجيل : 05/02/2010
العمر العمر : 40
الدولة القاهرة - شبرا
العمل/الترفيه : صاحب محل اطارات سيارات
المزاج صيد الاسماك

مُساهمةموضوع: رد: صيد السيجان على الطريقة البورسعيدية (منقول)   الجمعة 14 مايو 2010, 10:36 pm

اللة ينور عليك يا ابو كريم على المعلومات الجامدة دى وانا من عشاق صيد سمكة البطاطا وبنزل اسكندرية مخصوص كل شهر تقريبا لصيد سمكة البطاطا من رصيف القلعة وهى تقريبا موجودة طوال العام
اخوك ريمون
الرجوع الى أعلى الصفحة اذهب الى الأسفل
ابو كريم
صاحب أفضل طرح نقاشى
صاحب أفضل طرح نقاشى
avatar

الدلو  المساهمات المساهمات : 475
تاريخ التسجيل : 29/03/2008
العمر العمر : 41

مُساهمةموضوع: رد: صيد السيجان على الطريقة البورسعيدية (منقول)   الجمعة 14 مايو 2010, 11:47 pm

remon shawky كتب:
اللة ينور عليك يا ابو كريم على المعلومات الجامدة دى وانا من عشاق صيد سمكة البطاطا وبنزل اسكندرية مخصوص كل شهر تقريبا لصيد سمكة البطاطا من رصيف القلعة وهى تقريبا موجودة طوال العام
اخوك ريمون
تسلم لى يا ريمون وانا عارف انى مقصر معاك بس ظروف والله غصب عنى
وعايزينك بقة يا بطل تكتبلنا طرقتك المفضلة فى صيد السيجان البطاطا
انت عارف ان البطاطا موجودة فى البحر الآحمر بس بكميات قليلة جدا جدا عن البحر الآبيض
وهى مرات معدودة اللى طلعت معايا وبالصدفو البحتة
علشان كدة عايزينك تكب طريقتك المفضلة للصيد والطعم المستخدم
الرجوع الى أعلى الصفحة اذهب الى الأسفل
remon shawky
عضو ذهبى
عضو ذهبى
avatar

العذراء  المساهمات المساهمات : 27
تاريخ التسجيل : 05/02/2010
العمر العمر : 40
الدولة القاهرة - شبرا
العمل/الترفيه : صاحب محل اطارات سيارات
المزاج صيد الاسماك

مُساهمةموضوع: رد: صيد السيجان على الطريقة البورسعيدية (منقول)   السبت 15 مايو 2010, 10:44 pm

انت مش مقصر ولا حاجة يا ابو كريم احنا اخوات وبالنسبة لصيد البطاطا او السيجان فبتكون بتجهيز وعاء صغير مملوء جزا منة بماء البحر وتقطيع عيش بلدى عادى فى الوعاء وتأخذ منة بعد عجنة بأيدك وترمية فى مكان المراد الصيد فية قبل الصيد بفترة قصيرة ثم وبعد كدة تجهز القرمة وانا بستخدم طريقتين
اولا الغماز وجوز متوسط الطول وشلايط 18 صغيرة اوى وتضع العجين علي الشلايط
او حساس والرصاصة فى اخر الخيط وفوقها 4 او 6 اسلحة وتطعم بالعجينة برضو واسلحة صغيرة اوى 10 او 12
واوقات بزفر بعجين واطعم بجمبرى برغوت
اخوك ريمون
الرجوع الى أعلى الصفحة اذهب الى الأسفل
ابو كريم
صاحب أفضل طرح نقاشى
صاحب أفضل طرح نقاشى
avatar

الدلو  المساهمات المساهمات : 475
تاريخ التسجيل : 29/03/2008
العمر العمر : 41

مُساهمةموضوع: رد: صيد السيجان على الطريقة البورسعيدية (منقول)   الإثنين 17 مايو 2010, 4:59 pm

تسلم ريمون باشا على شوية المعلومات الحلوة والجميلة
وان شاء الله يكون لنا نصيب ونطلع طلعة فى آسكندرية
بجد الواحد نفسوا يصطاد فى الاسكندرية تسقيط او بر
الرجوع الى أعلى الصفحة اذهب الى الأسفل
 
صيد السيجان على الطريقة البورسعيدية (منقول)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
ا لرحلات البحرية
 :: صيد البحر الأبيض المتوسط
-
انتقل الى: