أهلا بك فى منتدى الفريسة والصياد
عزيزي الزائر/عزيزتي الزائرة يرجي التكرم بتعريف نفسك الينا بالدخول الي المنتدي اذا كنت عضو او التسجيل ان لم تكن عضو وترغب في الأنضمام الي أسرة المنتدي
التسجيل سهل جدا وسريع وفي خطوة واحدة
وتذكر دائما أن باب الأشراف مفتوح لكل من يريد
يسعدنا أنضمامك معنا
فى عالم الفريسة والصياد
شكرا
ادارة المنتدي


 
الرئيسيةالبوابةمكتبة الصورالتسجيلدخول


شاطر | 
 

 صيد القاروص

اذهب الى الأسفل 
كاتب الموضوعرسالة
ابو كريم
صاحب أفضل طرح نقاشى
صاحب أفضل طرح نقاشى
avatar

الدلو  المساهمات المساهمات : 475
تاريخ التسجيل : 29/03/2008
العمر العمر : 41

مُساهمةموضوع: صيد القاروص   الجمعة 14 مايو 2010, 9:16 pm

[ندعوك للتسجيل في المنتدى أو التعريف بنفسك لمعاينة هذه الصورة]

قبل ما نبتدي احب اقولكم حاجه مهمة
القاروص ليه طرق كتيرة جدا لصيدها ولكن انا مش عارفها كلها
او بمعنى اصح مش متمرس فيها
علشان كده انا حتكلم عن اللي انا متمرس فيه واستخدمته
ياللا بينا نبتدي على بركة الله
اولا لازم نعرف شوية معلومات عن سمكة القاروص
سمكة القاروص من الاسماك اكلة الاسماك مش معنى كده انها بتاكل سمك بس
ولكن بتحب الاسماك
ولازم نعرف معلومة مهمة جدا ان القاروص ممكن يضرب على طعمك حتى لو انت مش بترمي عليه مخصوص
وده كتير بيحصل

مواسم القاروص
القاروص ليه موسمين

الاول : من اول يوليو حتى نهاية سبتمبر (بيكون ضعيف واحجامه صغيرة )

الثاني: من اواخر اكتوبر لاواخر يناير


طرق صيد القاروص


البوصة اليد


الشعر الاساسي نمرة 40
الصيد من غير فلة
الرصاصة بلية صغيرة جدا


محدش يستغرب لانك حتصطاد من غير طعم ولا سنانير
اللي حتصطاد بيه ريشة
ايوة ريشة
علشان كده الطريقة دي اسمها الترييش
زي ما قلنا الشعر الاساسي 40
وتركب الرصاصة وتحتها الريشة ودي بتكون ريشة فراخ عادية وبنختارها تكون من الريش الداخلي يعني المتغطي
بنجيب الريشة ونربط معاها سلاح نمرة 01 وبعد كده نربط سلاح تاني ونسيب شعر حوالي 2 او 3 سم
ونربطة معاهم ونيجي على مكان ربط الشعر ونلف عليه شعر حرير (دور واحد ) وفوقهم شيكرتون ونلاحظ اننا واحنا بنربط السلاح التاني نخلي حتة شعر طويلة ونعملها خية لان منها حنوصلها في الشعر الاساسي
وكمان يكون اتجاه الريشة مع اتجاه السلاح بمعنى ان الجزء اللي فيه الريش يكون مع دوران السلاح
جهزنا البوصة والسلاح يبقى مش فاضل غير السمك
القاروص سمكة عايمة بتدخل مع الموج
يبقى كده احنا عايزين موج
نختار مكان يكون فيه موج عالي ونقدر نقف فيه وكل ما عليك انك ترمي في الموجه وتسحب ايدك معاها ولازم وانت بيسحب ايدك توقفها كل شوية علشان تخايل السمكة وتشوف الريشة وهي بتتحرك
بتلاقي (لو ليك نصيب طبعا) عيل صغير بيسحب منك البوصة
اتعامل معاه بقى
بس الطريقة دي مفيش ناس كتير بتستخدمها لانك لازم تنزل تقف في المية في عز الشتا وتخيل بقى شتا ومية ساقعة وموج عالي
بس سمكتها بتنسيك كل ده


الصيد بالبوصة الماكينة

القاروص بالماكينة ليه طرق اشكال والوان بس برضة ارجع واقول ان القاروص بيضرب على اي طعم طول ما هو موجود في المية
لو انت بتصطاد الصبح يبقى ارمي للقاروس بالراباللا
ودي صور لشوية انواع راباللات بتستخدم لصيد القاروس

[ندعوك للتسجيل في المنتدى أو التعريف بنفسك لمعاينة هذه الصورة]

ده طبعا جنب الطعم
يعني لو رميت بالطعم الصبح عادي حيضرب عليك بس مش زي الراباللا
والصيد بالراباللا سهل كل ما عليك انك تركبها في الشعر وترمي وتجر بسرعة متوسطة السمكة حتضرب عليها كأنها سمكة بتجري
لو بتصطاد بالليل يبقى حترمي بالطعم عادي ولو موجود في المية قاروص حيضرب عليك
وحاول تستخدم سلاح كبير يعني نمرة 01 او 02 او 03
وتعمل سلاحين واحد فوق الرصاصة والتاني تحتها ويكون طولة كبير يعني متر الا ربع تقريبا
ولازم تخلي بالك واوعى تسيب البوصة وتستنى السمكة لما تضرب
لازم تفضل ماسكها لان القاروص من السمك اللي بيجر يعني يحط الطعم في بقة ويجري


للطعم المفضل للقاروص

الجمبري

نطاط – عقر – بلانص – شطنارة

الدود

قراص – قراص صخر – حنش الطين (بيستخدم في الطرح ) – دود بحر -اسمعلاوي

السردين

أشهر أماكن صيد القاروص فى بورسعيد

كوبرى الجميل

شرق التفريعه (الحجر الشرقى)

داخل ميناء بورسعيد (رصيف الحاويات)

فيه سمك من عيلة القاروص بس مش بيكبر اكبر حجم ليه قد الكف اسمة نقط بضم النون وهو شبه القاروص بالظبط بس فية نقط على ضهره وده بتصطادة بكثره من أسفل كوبرى الجميل فى طريق بورسعيد دمياط،،وكوبرى الكرنتينه ببورفؤاد



الموضوع منقول

ومن يريد إضافة أى معلومات فليتفضل مشكورا حتى يستفيد الجميع
الرجوع الى أعلى الصفحة اذهب الى الأسفل
mohamed muosa
مشرف عام المنتددى
مشرف عام المنتددى
avatar

 المساهمات المساهمات : 604
تاريخ التسجيل : 18/12/2009
الدولة مصر
المزاج بحب الصيد

مُساهمةموضوع: رد: صيد القاروص   الإثنين 17 مايو 2010, 5:29 pm

والله جميل ابو كريم ربنا يوعنا على ايدك كدة نجيب القاروص
الرجوع الى أعلى الصفحة اذهب الى الأسفل
الصياد المصرى
المد يرون
المد يرون
avatar

الدلو  المساهمات المساهمات : 106
تاريخ التسجيل : 29/03/2008
العمر العمر : 41

مُساهمةموضوع: رد: صيد القاروص   الإثنين 17 مايو 2010, 7:51 pm

ان شاء الله يا ابو الكاباتن ولوت كملن
وعلى شوية بورى كدة لزوم الشوى والتفسيخ [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

---------------------------التوقيع-----------------------
--التوقيع-----------------------------------------
اخوكم ابو كريم

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://saed.forumalgerie.net
elnopy2005
عضو ذهبى
عضو ذهبى


الحمل  المساهمات المساهمات : 46
تاريخ التسجيل : 30/08/2010
العمر العمر : 38
الدولة egypt
العمل/الترفيه : enginering
المزاج fishing

مُساهمةموضوع: رد: صيد القاروص   الإثنين 30 أغسطس 2010, 12:03 pm

موضوع جامد اوى بجد
الرجوع الى أعلى الصفحة اذهب الى الأسفل
 
صيد القاروص
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
ا لرحلات البحرية
 :: صيد البحر الأبيض المتوسط
-
انتقل الى: