مهرجان الدرينى فى الجمشة

آمطار وبرق وثلج يضئ سماء القاهرة الكبرى

تعرضت محافظات القاهرة الكبرى والدلتا والمحافظات الحدودية

مساء يوم الخميس آمطار غزيرة صاحبها موجات من البرق والرعد وتحولت شوارع العاصمة الى مستنقعات وملاتهاالمياة

مما آصاب حركة المرور فيها بالشلل وآصارت اصوات الرعد مخاوف المواطنين فلزمزا منازلهم

والعجيب فى الموضوع ان اليوم دة كان عندنا رحلة فى منطقة الجمشة على مركب الملاح

وكان فى آراء كثيرة قبل الرحلة بلحظات آخيرة نلغى الرحلة بسبب عدم استقرا رالجو ولا نطلع ونتوكل على الله

وبعد مناقشات كثيرة فى هذا الموضوع قررنا اننا نطلع ونتوكل على الله

وكان مكان التجمع عند كارفور المعادى وآجمعنا كلنا هناك وبدانا بتحميل العدة والآيسبوكسات فى العربية

ومسكنا الطريق ويدوبن طلعنا ونلاقى مستنقعات مية فى الطريقة بصورة كبيرة جدا جدا

المهم قولنا هنكمل ونشوف الاخبار ووصلنا السخنة بسلام وآمان وقبل كمين الزعفرانة

لقينا الدنيا زحمة جدا هناك والعربيات كلها واقفة على الطريق

وعرفنا من الكمين ان الطريق مقفول بسبب السيول والآمطار وقوة الهوا

ومن هنا لهنا قولنا خلاص يا جماعة يللا نرجع بقة وكفاية كدة بهدلة ونخدها من قصيرها

وبعد مناورات قررنا اننا نريح شوية ونشوف آخر الاخبار اية ويدوبن عشر دقائق وعرفنا ان الطريق فتح وكملنا طريقنا
للجمشة ووصلنا هناك بسلام وآمان
على الساعة السابعة صباحا
وكان راكب معانا الريس سيد والبحرى سالم معانا فى العربية من السخنة
ونزلنا الحاجة وحملنا الايسبوكسات على المركب وكان الجو قمة فى الجمال والروعة
ويللا ياريس سيد نتوكل على الله علشان نلحق نجر شوية
ولكن الجر لم يثمر عن اى شئ فى الرحلة
وبعد شوية بدء الهوا يعلى شوية بس كانت الدنيا كويسة والبحر جميل
وبدنا نطرح علشان نشوف اخبار التسقيط ولكن التسقيط مش مجزى تماما درينى على بونجز على كام حتة حرييدة

وبدانا نغير من طرحة لطرحة ونفس الشئ مفيش اى حاجة فى البحر غير الدرينى والبونجز

وعدا نهار اول يوم والحصيلة لا تذكر والجو بدء يهدى جدا جدا بس مع ذلك دخلنا على المشال (الكنة )
لعدم آستقرار الجو
وبدنا نجرب التسقيط ومفيش غير ابو نقط اللى موجود وشغال معانا
وبدئنا نشوح ولم يسفر عن اى شئ
ومن هنا لهنا دخل سمكة تسمى الزرقانة وكانت موجودة بكميات كثيرة
يس للاسف مكنتش بتتدخل على الطعم بكثرة وكان الاستاذ خالد زكى معاة رابلا صغيرة جدا 2سم
وبدء يشتفل عليها وطلع كمية محترمة منها
وبعدها بشوية ظهر الكليمارى حتة او آتنين بكتير وآشتغلنا كلنا على ولكن بلا فائدة هى واحدة بس الى شرفتنى على المركب
وبعد فترة كلنا قررنا ان نخش نريح شوية علشان تقدر نواصل تانى يوم
ومع اول ضوء فى اليوم الثانى الكل صحى من النوم ويللا يا ريس علشان نجر
وبالفعل ظبطنا مكن الجر والرابلات ولكن مفيش رزق مكتوب لنا فى الجر
وبدانا نغير المكان خالص وذهبنا الى آرض الفيروز وفعلا ارض الفيروز
ومع اول طرحة درينى عناقيد عنافيد وبالاربعة كمان ولو عملت سبحة من عشر وشوش هتتطلع كلها درينى
كانت مغرقة المكان ومش مدية فرصة لاى سمكة تانى تخش علينا
وفى اثناء طلوع الدرينى ظهر حاجة كدة غريبة الشكل واللون بتجرى ولا الدرينى وهية طالعة
الكل آتشجع ونزلنا بخيوط محملة وآنزل بحتة بونجزاية ومجرد ما تنزل على الارض تلاقى الدرينى خلص عليها كلها
المهم قولت انا هنزل ببونجزاية المرادى وآشوف الاخبار اية وهب الخيط أتقص منى بدون اى آنذار خالص خالص
روحت على طول مركب وير محمل وسن كبير
ومدكك بونجزاية تانى وبعد فترة الآقى الوير مقصوص هو كمان
ومكنش لنا نصيب ايضا نشوف الوحش
قولنا الحمد لله وبارك الله فيما رزق والكل راجع مفول الآيسبوكسات درينى على شوية بنجز
والحمد لله على كل شئ
ولا آنسى ازازة الزيت اللى لو كانت موجودة كانت عملت معانا شغل زى الفل
اعضاء الرحلة
الاستاذ خالد زكى
االاستاذ محمد زكى (ابو مى)
الاستاذ حسام محروس وهو اللى كان متكفل بموضوع الآكل والفاكهة واللذى منوا
اخوكم الصغير سعيد ابو كريم
طاقم المركب
الريس سيد
االبحرى سالم
على مركب الملاح
والصور والفيدوهات هتوصلنا من ابو جنا وهنزلها حالا فى الموضوع
والى اللقاء فى رحلات قادمة ان شاء الله

حمدالله علي السلامة يابو كريم
يا راجل حد يطلع في الجو دة
المهم ربنا ستر اين المستندات

ahmed kapten كتب:: حمدالله علي السلامة يابو كريم
يا راجل حد يطلع في الجو دة
المهم ربنا ستر اين المستندات

ياعم سعيد دة كلام دحنا من يوم الاربعاء وعارفين ان الجو زفت

ولا ينفع صيد ولا سفر دى مجازفة برضة غير محسوبة

الف حمد اللة على السلامة يا ابو كريم انت وكل الصحبة الحلوة دى وتتعوض بأذن اللة
اخوك ريمون

[ندعوك للتسجيل في المنتدى أو التعريف بنفسك لمعاينة هذه الصورة]
يا سي سعيد يا أبو كريم ؛ من غير ليه :ـ
أوًلا: حمدا لله على سلامتكم جميعًا
ثانيًا : خيرها في غيرها ؛ و كل شئ بأوان
ثالثًا : بارك الله لكم فيما رزق ؛ و يرزقكم رزقًا وفيرًا في الطلعات القادمة ؛ بمشيئة الرحمن .

mohamed muosa كتب:

ahmed kapten كتب:: حمدالله علي السلامة يابو كريم
يا راجل حد يطلع في الجو دة
المهم ربنا ستر اين المستندات

ياعم سعيد دة كلام دحنا من يوم الاربعاء وعارفين ان الجو زفت

ولا ينفع صيد ولا سفر دى مجازفة برضة غير محسوبة

الله يسلمك يا عم احمد ويبارك فيك ويللا بقة عايزين نشوف طلعاتك الحلوة على طول

والله احنا كنا هنلفى الرحلة قبلها بساعات بس الكل كان متشجع وعايز يطلع

والحمد لله الجو هناك كان مضبوط

remon shawky كتب:: الف حمد اللة على السلامة يا ابو كريم انت وكل الصحبة الحلوة دى وتتعوض بأذن اللة
اخوك ريمون

الله يكرمك يا استاذ ريمون ويللا بقة ىجدعن مع الكابتن محمد موسى علشان نشوف صورك الحلوة فى راس سدر

mohamed muosa كتب:

ahmed kapten كتب:: حمدالله علي السلامة يابو كريم
يا راجل حد يطلع في الجو دة
المهم ربنا ستر اين المستندات

ياعم سعيد دة كلام دحنا من يوم الاربعاء وعارفين ان الجو زفت

ولا ينفع صيد ولا سفر دى مجازفة برضة غير محسوبة

الله يسلمك يا عم محمد ويبارك فيك والله كل الناس اللى كانوا معانا كانوا عايزين يطلعوا

ونغير جو والجو هناك كان مضبط والحمد لله وسمكة الدرينى كانت موجودة بكمبات غبية

لدرجة مكنتش بتدى اى فرصة لاى سمكة تانى تخش
واصبر علية شوية عقبال ما الصور تجيلى والفيديوهات علشان تتفرج على الطبيعة Very Happy

ماجد شــــتا كتب:: [ندعوك للتسجيل في المنتدى أو التعريف بنفسك لمعاينة هذه الصورة]
يا سي سعيد يا أبو كريم ؛ من غير ليه :ـ
أوًلا: حمدا لله على سلامتكم جميعًا
ثانيًا : خيرها في غيرها ؛ و كل شئ بأوان
ثالثًا : بارك الله لكم فيما رزق ؛ و يرزقكم رزقًا وفيرًا في الطلعات القادمة ؛ بمشيئة الرحمن .

كابتن ماجد ياشا الله يسلمك ويبارك فيك وانت عارف طبعا الواحد لما بيحتاج ياخد الجرعة
نبيقدرش يمسك نفسوا وان شاء الله تتعوض ويكون الجو آحسن من كدة وتكون معانا ان شاء الله تعالى