***تنبية هام جدا ***
المفروض وانت بتتصفح الموقف تكون حاضر بذهنك وتتخيل الموقف وكأنك عايش فية
رحنا نصتاد على النيل فى بلد اسمها المساندة ودى عرفينها صيادى العذب وكنا حوالى 10 افراد
وانا ضيف عليهم اول مرة اطلع طلعة صيد بعد حضورى من اسوان يا جماعة مش عايز حد جنبى
اقرب واحد على بعد عشرة متر لية يا كابتن اصلى معرفش اصتاد غير كدة انا بصتاد بحداف والرصاصة
تقيلة جدا واخاف تيجى فى حد وبدأنا الصيد وكل واحد يصتاد سمكة صغيرة يجى يدهالى علشان احطها فى العياشة
وطبعا اخدها وارميها فى البحر او النيل ام راحوا نتهدين للضابط عادل عبد العاطى وقالولوا اه الكابتن محمد
كل منجبلة سمكة يحطها فى العياشة يرميها مجنون دة ولا اية عادل جة وقالى اية يا كابتن بترمى السمك لية
يبنى دة سمك دة اسمة شر يعنى انا اجيبة واصتاد بية وانا متعود على صيد اسوان اقل سمكة فيها من 3 الى 6 كيلو
اعمل بدة اية طبعا راح واقلهم قلووا صحبك دة فشار فشار
[ندعوك للتسجيل في المنتدى أو التعريف بنفسك لمعاينة هذه الصورة] طب يا كابتن عادل فشار فشار بص انا حسبت للناس دى انى مش فشار حضرى اى واحد منهم واحد فقط
واستنانى فى السيدة عائشة انت وهو واعطيتة بدلة طيرا ن قولتلة لبسها للاخ ايلى جى معاك هو طبعا اختار منجد افرنجى
اسمة سعيد شاب كويس ومحترم بس شعرة طويل جدا مينفعش يبقى راجل عسكرى
المهم ختهم على مطار شرق القاهرة ونسيت اقولكم حجزت على طيارة المجهود الحربى بتاعتنا
باسمى ومعاية اتنين ضابط عادل عبد العاطى ومساعد / عبد الفتاح عليم ودة علشان الكارنية العسكرى والطيارة خاصة للضباط
الجنود فقط وركبنا الطيارة وهبة لقيت ضابط الامن ماسك فى رقبتة سعيد المنجد وبيقولة انت ميرى انت انا شاكك فيك
وطبعا تخيلت المنظر وهمة بينفخونا فى المخابرات انتم بتعملوا اية على الطيارة وكان اياميها فى مشاكل مع ليبيا
يعنى كنا حننفخ لحد ما يبلنا صاحب المهم جريت على ضابط الامن ومسكت فى رقبتة وهللت انت بتعملة اية
انت مش عارف انة تبعى ودل الرجالة بتوعى وسبحان الله ضابط الامن قعد يتأسف معليش انا مقصدش
بس شفت سيادتك شعرة طويل جدا وانا شكيت فية خلاص خلاص الموضوع انتهى اية المطلوب يعنى
المفروض وانت داخل من بوابة المطار الامن بيشوف الكارنيهة ويديلك رقم تركب بية الطائرة
طب محصلش حاجة انا داخل المطار الصبح والناس عدونا ومقالوش حاجة انا اروح اجيبلك الارقام
وفعلا روحت على البوابة وجبت الارقام ورجعت لقيت الطائرة مدورة محركات والباب قفل
والضابط عادل رقبتة خارجة من تحت الباب وبيزعق يا موسىىىى يا موسىىىى
انا وصلت اهو يابنى متخفش وفعلا الطائرة اقلعت الى اسوان ووصلنا بالسلامة
وطبعا انا مش عايز حد يعرف انة دة مدنى مشكلة قعد احفظة شوية مستطلحات خاصة
بمهنة على الطائرة الفانتوم علشان ايلى يسئلة يعرف يجاوب ومينكشفش هناك وتبقى مصيبة
ونزلنا الى منطقة خزان اسوان وبدأ الصيد كما تعودت فى اسوان والسمك قال خد عندك وبدأت المجزرة
السمك بالجوز والوجلة شغالة لدرجة الاعياء من كتر المجهود المبذول فى تطليع السمك
وشاف سعيد بعينة احجام السمك كل واح خد حوالى 44 سمكة من الحجم الجامبو تخيلوا مدى سعادة سعيد
وهبة الضابط عادل يقول صلى يا كابتن معاك اية يا عادل معاية سمكة تقريبا راية راية راية اية
دانا سامع دربكة جاية والدنيا ضلمة والله يا كلبتن راية وهبة بيطلعها من المياه عايز تتخيلوا المنظر دة
**تقوم سمكة قشر بياض كبيرة جدا من بين رجليين عادل وتطلع تهجم على السمكة الراية ايلى
مطلعها عادل وعادل صرخ من الخوف والسمكة تهبط الى المياه وتترتطش علينا كلنا منحجمها الفظيع
وموتنا من الضحك على عادل اتقلب على ظهرة ونازل ضححك واخنا كمان
وجت رحلة العودة والحمد لله جت الطائرة بقيادة اللواء/ نبيل سعدة قائد السرب بتاعى
وركبنا الطائرة انا وعادل وكمان المنجد سعيد ومعانا مضيفة وكانت الرحلة التى لا تنسى من مغامرات
وكمان رجع سعيد يحكى للمجموعة ايلى كان نفسهم يروحوا معاية ولا كن لم يحدث نصيب ودى كانت مغامرة شديدة فى وقت
صعب جدا ملحوظة الضابط عادل عبد العطى حى يرزق لمنيريد يسمع منة القصة لانة بيحكيها بالمؤثرات الصوتية تجنن
رقم تليفونة /0181431709
وهو مدير مركز شباب المساكن فى ساقية مكى